Bërja e rregullt e dashurisë zvogëlon stresin, përmirëson gjumin dhe mund të zgjas jetën, thonë studiuesit.

Shkenca pretendon se seksi nuk është vetëm argëtues, por ka edhe përfitime shëndetësore, transmeton portali arbresh.info

Mund të zvogëlojë stresin dhe presionin e gjakut, të përmirësojë gjumin dhe studimet e fundit zbulojnë se seksi një herë në javë zgjat jetën. Studiuesit nga Universiteti i Kalifornisë në San Francisco, ndoqën jetën seksuale të mbi njëqind nënave që kishin partnerë dhe seks të rregullt.

Ata dhanë raporte për marrëdhëniet e tyre, partnerin, si dhe sa shpesh ishin intim me ta. Hulumtimi gjithashtu përfshiu analizat e gjakut dhe qelizave.

U konkludua se nënat që kishin marrëdhënie seksuale me partnerë të paktën një herë në javë gjithashtu kishin telomere dukshëm më të gjata – kapaku mbrojtës i ADN-së që përcakton jetën e qelizave – sesa ato që nuk kishin marrëdhënie seksuale.

Rezultatet tregojnë se dashuria e rregullt mund të zgjasë telomeret, që do të thotë se qelizat jetojnë më gjatë dhe i ndihmojnë njerëzit të ndihen më të rinj. Studiuesit kanë lidhur telomere më të shkurtër me probleme serioze shëndetësore si kanceri, sëmundjet e zemrës dhe diabetin, shkruan Reader’s Digest./arbresh.info/